Pro Papa

Pro Papa

Oratio

DEUS, ómnium fidélium pastor et rector, fámulum tuum Benedictum, quem pastórem Ecclésiae tuae praeésse voluísti, propítius réspice: da ei, quaésumus, verbo et exémplo, quibus praeest, profícere ; ut ad vitam, una cum grege sibi crédito, pervéniat sempitérnam. Per Dóminum.

Secreta

OBLÁTIS, quaésumus, Dómine, placáre munéribus: et fámulum tuum Benedictum, quem pastórem Ecclésiae tuae praeésse voluísti, assídua protectióne gubérna. Per Dóminum.

Postcommunio

HAEC nos, quaésumus, Dómine, divíni sacraménti percéptio prótegat: et fámulum tuum Benedictum, quem pastórem Ecclésiae tuae praeésse voluísti ; una cum commísso sibi grege, salvet semper, et múniat. Per Dóminum.