Benedizioni del sacerdote novello

 

Benedizioni del sacerdote novello

Formulae Benedictionum

Sacerdoti:

Resuscitet in te Dominus gratiam Spiritus Sancti quam per manuum impositionem accepisti, ut sis dignus minister Christi et fidelis dispensator misteriorum Dei – sis sal Christi nunquam infatuandum et lucerna ardens in domo Dei – memor sit Dominus omnis sacrificii tui, et holocaustum tuum pingue fiat. Tribuat tibi Dominus longitudinem dierum et finalem gratiam, ut possis bonum certamen certare et cursum tuum feliciter consumare, adjuvante Domino nostro Jesu Christo, qui vivit et regnat cum Deo Patre in unitate Spiritus Sancti Deus, per omnia saecula saeculorum. Amen.

Clerico:

Effundat super te Dominus Spiritum sapientiae et intellectus, consilii, scientiae, fortitudinis, pietatis ac timoris Domini, ut evadas sacerdos secundum cor Dei. Adimpleat Deus petitiones tua set omne consilium tuum confirmet,  ac omni benedictione coelesti ac terrestri benedicat te Deus Pater et Filius et Spiritus Sanctus

Regulari vel Moniali:

Deprecationes tuas admittat Dominus ad sacrarium exauditionis suae, ut possis gloriari in cruce Domini nostri Jesu Christi, per quem tibi mundus crucufixus est et tu mundo, et cui fideliter deservis, ipse sit tibi merces tua, qui vivit et regnat cum Deo Patre in unitate Spiritus Sancti Deus, per omnia saecula saeculorum. Amen.

Patri vel Matri:

Accipe Pater (Mater) benedictionem a filio, qui tibi sit baculus in senectute tua, benedicat te Deus in benedictionibus coeli et terrae, ìmpleat omnes petitiones tuas, det tibi omnia secundum cor tuum, confirmet omnem consilium tuum. Largiatur tibi de abscondito thesauro suo, plenitudinem omnis gratiae et longitudinem vitae tuae;  cum autem defecerit virtus tua non derelinquat te Dominus, sed tribuat tibi finalem gratiam meque in aeternae claritatis gaudio faciat te videre, qui vivit et regnat in saecula saeculorum. Amen.

Fratri vel Sorori:

Accipe, frater (soror) benedictionem a fratre tuo, quam Deus ratam habeat in conspectu suo.  (reliqua si sit adolescens, ut infra pro adolescente; si virgo, ut pro virgine.)

Adolescenti:

Omnipotentia aeterni Dei Patris conservet te, Filii Dei sapientia erudiat te, et Spiritus Sancti caritas inflammet te, ut crescas sapientia et aetate, ac gratia apud Deum et homines. Sis baculus  in senectute tuorum parentum, et videas bona Jerusalem omnibus diebus vitae tuae, ac omni benedictione coelesti ac terrestri benedicat te Deus, Pater et Filius et Spiritus Sanctus. Amen.

Virgini:

Tribuat tibi Dominus de abscondito thesauro suo gratiam, ut sis virgo sapiens, et una de numero prudentum. Effundat super te Spiritum pietatis, castitatis ac timoris sui, ut sponso coelesti compiacere, et ad thalamum eius admitti merearis, qui vivit et regnat in saecula saeculorum. Amen.

Benedictio communis:

Omni benedictione coelesti et terrestri, benedicat te omnipotens Deus, Pater et Filius et Spiritus Sanctus. Amen.

Benedictio generalis: in casu innumerabilis populi ambas manus extendendo dicit:

Pax Domini nostri Jesu Christi, et virtus sanctissimae passionis, et signum sanctae crucis, et integritas beatissimae Nariae Virginis, intercessiones omnium Sanctorum et suffragia electorum Dei sint in vobis, ut inimicos vestros visibiles et invisibiles, maxime in hora mortis superare valeatis, et omni benedictione coelesti et terrestri benedicat vos omnipotens Deus, Pater et Filius et Spiritus Sanctus.

 

Per impositionem (extensionem*)  manuum mearum sacerdotalium, et per intercessionem beatae Mariae semper Virginis, et Sancti (Sanctae)..., et omnium Sanctorum; Benedictio Dei Omnipotentis, Patris, et Filii, et Spiritus Sancti, descendat super te (vos) et maneat semper. Amen.

*”Extensionem” is used for anyone tonsured or for consecrated nuns.

 ----------------

Fonte: CTN Greg: http://groups.yahoo.com/group/ctngreg/

29 settembre 2009 – www.haerentanimo.net – In Preghiere sacerdotali

AMDG et DVM