Canta MARIAM - Salmi 63-70

 

Maria Rosa Mistica Mater Ecclesiae

PSALMUS  63.

Exaudi, Domina, orationem meam, 

cum deprecor :

a pavore crudelis libera animam meam.

 

Impétra nobis pacem et salutem :

in die novissimo.

 

Benedicta sis super mulieres :

et benedictus sit fructus ventris Tui.

 

Illumina, Domina, oculos meos :

et illustra caecitatem meam.

 

Da mihi in Te confidentiam bonam :

in vita et in fine meo. 

Gloria Patri, etc.

Maria Nostra Signora di Guadalupe
 

PSALMUS  64. 

Te decet hymnus, Domina nostra, in Sion :

laus et iubilatio in Hierusalem.

 

Benedictionem omnium gentium dedit Tibi Dominus :

laudem et gloriam ante conspectum populorum.

 

Benedixit Te Dominus in misericordia sua :

et thronum Tuum constituit super ordines angelorum.

Gratiam et decorem posuit in labiis Tuis :

et pallio gloriae induit corpus Tuum.

 

Coronam radiantem posuit in capite Tuo :

et virtutum monilibus Te decenter ornavit.

Gloria Patri, etc.

 

PSALMUS  65.

Jubilate Dominae nostrae, omnis Terra :

psallite hymnum nomini Eius, date honorificentiam maiestati Eius.

 

Benedictum sit Cor Tuum, Domina :

cum quo ardenter et sinceriter Filium Dei dilexisti.

 

Respice paupertatem meam, gloriosa Virgo :

miseriam et angustiam meam ne tardes removere.

 

Aufer tribulationem meam :

dulcifica languorem meum.

 

Benedicat Te omnis caro :

glorificet Te omnis lingua. 

Gloria Patri, etc.

 

PSALMUS  66.

Deus misereatur nostri, et benedicat nobis :

per Illam quae Eum genuit.

 

Miserere nostri, Domina, et ora pro nobis :

in laetitiam bonam converte moestitiam nostram.

 

Illumina me, Stella Maris :

clarifica me, Virgo clarissima.

 

Extingue ardorem cordis mei :

refrigèra me Gratia Tua.

 

Protegat me semper Gratia Tua :

praesentia Tua illustret finem meum.

Gloria Patri, etc.

 

PSALMUS  67

Exurgat Maria, et dissipentur inimici Eius :

conterantur omnes sub pedibus Eius.

 

Impetum inimicorum nostrorum dissipa :

destrue omnem iniquitatem eorum.

 

Ad Te, Domina, clamavi in tribulatione :

et serenasti conscientiam meam.

 

Non deficiat laus Tua in ore nostro :

et amor Tuus de visceribus nostris.

 

Pax multa diligentibus Te, Domina :

anima eorum non videbit mortem in aeternum.

Gloria Patri, etc.

 

Auxilium Christianorum

PSALMUS  68.

Salvum me fac, Domina : 

quoniam intraverunt concupiscentiarum aquae

usque ad animam meam.

 

Infixus sum in limo peccati :

et aquae voluptatis circumdederunt me.

 

Plorans ploravi in nocte :

et dies laetitiae ortus est mihi.

 

Salva animam meam, Genitrix Salvatoris :

quia per Te vera salus data est omni mundo.

 

Dum nuntiante Angelo fuisti obumbrata :

et Patris sapientia praegnans et gravidata.

Gloria Patri, etc.

VIRGO EUCARISTIAE 

PSALMUS  69.

Domina, in adjutorium meum intende :

et luce misericordiae Tuae illustra mentem meam.

 

Doce nos exquirere bonitatem Tuam :

ut enarremus mirabilia tua.

 

Ostende potentiam Tuam contra inimicos nostros:

ut sanctificeris in nationibus procul.

 

In ira flammae Tuae mergantur in infernum :

et qui conturbant servos Tuos, inveniant perditionem.

 

Miserere servorum Tuorum, super quos invocatum est nomen Tuum :

et ne sinas angustiari eos in tentationibus suis.

Gloria Patri, etc.

IMMACULATI CORDIS BEATAE MARIAE VIRGINIS

PSALMUS  70.

In Te, Domina, speravi, non confundar in aeternum :

in Tua misericordia libera me, et eripe me.

 

Propter multitudinem iniquitatum mearum :

opressus sum vehementer.

 

Facti sunt hostes mei in capite meo :

subsannaverunt et deriserunt me quotidie.

 

Vide, Domina, quoniam tribulor :

expande manus Tuas, succurre pereunti.

 

Ne moreris, propter gratiam nominis Tui :

ut efficiaris mihi in gaudium et salutem.

Gloria Patri, etc.

Maria, Nostra Signora di Guadalupe,

schiaccia la testa a satana e salva il tuo popolo