IN APPARITIONE B. MARIAE V. IMMACULATAE

 

Die 11 Februarii

IN APPARITIONE

B. MARIAE V. IMMACULATAE

Duplex majus

Introitus Apoc. 21, 2
VIDI civitátem sanctam, Jerúsalem novam, descendéntem de caelo a Deo, parátam sicut sponsam ornátam viro suo. Sal.44, 2 Eructávit cor meum verbum bonum: dico ego ópera mea Regi. V /. Glória Patri.


Oratio

DEUS, qui per immaculátam Vírginis Conceptiónem dignum Fílio tuo habitáculum praeparásti: súpplices a te quaésumus; ut ejúsdem Vírginis Apparitiónem celebrántes, salútem mentis et córporis consequámur. Per eúmdem Dóminum.


Léctio libri Apocalýpsis beáti Joánnis Apóstoli.
Apoc. 11, 19; 12, 1 e 10

APÉRTUM est templum Dei in caelo: et visa est arca testaménti ejus in templo ejus, et facta sunt fúlgura, et voces, et terraemótus, et gr ando magna. Et signum magnum appáruit in caelo: Múlier amícta sole, et luna sub pedibus ejus e in cápite ejus coróna stellárum duódecim. Et audívi vocem magnam in caelo dicéntem: Nunc facta est salus, et virtus, et regnum Dei nostri et potéstas Christi ejus.

Graduale Cant. 2, 12 Flores apparuérunt in terra nostra, tempus putatiónis advénit, vox túrturis audíta est in terra nostra. V /. Ibid., 10 e 14 Surge, amíca mea, speciósa mea, et veni: colúmba mea in foramínibus petrae, in cavérna macériae.

Tractus Judith 15, 10 Tu glória Jerúsalem, tu laetítia Israel, tu honorificéntia pópuli nostri. V /. Cant. 4, 7 Tota pulchra es, María: et mácula originális non est in te. V /. Felix es, sacra Virgo María e omni laude digníssima, quae serpéntis caput virgíneo pede contrivísti.


+ Sequéntia sancti Evangélii secúndum Lucam.
Luc. 1, 26-31

IN illo Témpore: Missus est Angelus Gábriel a Deo in civitátem Galilaéae, cui nomen Názareth, ad Vírginem desponsátam viro, cui nomen erat Joseph, de domo David e nomen Vírginis María. E ingréssus Angelus ad eam dixit: Ave, grátia plena: Dóminus tecum: benedícta tu in muliéribus. Quae cum audísset, turbáta est in sermóne ejus e cogitábat qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce concípies in útero, et páries fílium e vocábis nomen ejus Jesum.

Credo.


Offertorium Luc. 1, 28 Ave, grátia plena: Dóminus tecum: benedícta tu in muliéribus.


Secreta

HÓSTIA laudis, quam tibi, Dómine, per merita gloriósae et immaculátae Vírginis offérimus, sit tibi in odórem suavitátis e nobis optátam cónferat córporis e ánimae sanitátem. Per Dóminum.


Praefatio de beata Maria Virgine Et te a Conceptióne immaculata.


Communio Ps. 64, 10 Visitásti terram et inebriásti eam, multiplicásti locupletáre eam.


Postcommunio

QUOS caelésti, Dómine, aliménto satiásti, súblevet dextera Genitrícis tuae immaculátae: ut ad aetérnam pátriam, ipsa adjuvánte, perveníre mereámur: Qui vivis.

AMDG et DVM