MISSA
IN SOLEMNITATE
SANCTISSIMI CORDIS B.M.V.
INTROITUS.
GAUDEAMUS omnes in Domino, diem festum celebrantes
sub honore sanctissimi Cordis Beatae Mariae Virginis,
de cujus solemnitate gaudent Angeli, et collaudant
Filium Dei. Ps. (44.) Eructavit Cor meum verbum bonum:
dico ego opera mea Regi. Gloria Patri... saeculorum. Amen. Gaudeamus.
In Missa primi Sabbati cujuscumque mensis officio novem
lectionum non impediti, et in Missis votivis, dicitur:
Introitus (Cant. 8).
Pone me ut signaculum super Cor tuum, ut signaculum
super brachium tuum: quia fortis est ut mors dilectio,
dura sicut infernus aemulatio. Ps. (44.) Eructavit Cor
meum verbum bonum: dico ego opera mea Regi.
V. Gloria Patri, etc. Pone me.
ORATIO .
Deus qui Unigenitum tuum in Corde tuo ab aeterno
viventem, in Corde Virginis Matris Mariae vivere et
regnare in aeternum voluisti: da nobis, quaesumus, hanc
sanctissimam Jesu et Mariae in corde uno vitam jugiter
celebrare, cor unum inter nos et cum ipsis habere, tuamque
in omnibus voluntatem corde magno et animo volenti
adimplere; ut secundum Cor tuum a te inveniri
mereamur. Per eumdem Dominum.
Tempore Passionis.
ORATIO .
Domine Jesu Christe, qui sanctissimae vitae et
acerbissima passionis ac mortis tua imaginem in sacratissimo Corde dilectissimae
Matris tuae, tamquam in speculo clarissimo
exprimere et glorificare voluisti: praesta, quaesumus,
ut meritis et intercessione hujus amantissimi Cordis,
ejusdem vitae ac mortis tuae similitudinem ita in corde
et corpore nostro portemus, quatenus viventes atque
morientes, tibi in omnibus conformari, et secundum
Cor tuum effici mereamur. Qui vivis et regnas cum Deo Patre, in unitate.
Tempore Paschali.
ORATIO .
Domine Jesu Christe, qui post resurrectionem tuam,
dilectissimae Matri tua, gloria et honore coronatus
apparuisti, et acerbissimas Cordis ejus angustias in
gaudium maximum convertisti: da nobis, quaesumus, eodem
sanctissimo Corde intercedente, tanti gaudii memoriam
digne celebrare, vana hujus mundi oblectamenta respuere,
in te solo delectari: ut petitiones cordis nostri
benigne semper exaudias, et omnem tristitiam nostram
in gaudium convertas. Qui vivis et regnas cum Deo
Patre, in unitate.
Lectio Cantici Canticorum. (Cant 4, 5 et 8).
Quam pulchra es, amica mea, quam pulchra es! Oculi
tui columbarum absque eo quod intrinsecus latet.
Tota pulchra es, amica mea, et macula non est in te. Veni
de Libano, Sponsa mea, veni de Libano, veni: coronaberis
de capite Amana, de vertice Sanir, et Hermon, de
cubilibus leonum, de montibus pardorum. Vulnerasti
Cor meum, Soror mea, Sponsa, vulnerasti Cor meum, in
uno oculorum tuorum. et in uno crine colli tui. Ego dormio,
et Cor meum vigilat. Vox Dilecti pulsantis: Aperi
mihi, Soror mea, amica mea, columba mea, immaculata
mea: quia caput meum plenum est rore, et cincinni mei
guttis noctium. Pone me ut signaculum super Cor tuum,
ut signaculum super brachium tuum; quia fortis est ut
mors dilectio, dura sicut infernus aemulatio. Lampades
ejus, lampades ignis atque flammarum. Aquae multae
non potuerunt extinguere charitatem, nec flumina obruent
illam. Si dederit homo omnem substantiam domus sua
pro dilectione, quasi nihil despiciet eam.
Graduale. (Ephes. 5). Estote imitatores Jesu et Mariae,
sicut filii charissimi: et ambulate in dilectione, sicut et
ipsi dilexerunt vos. Hoc sentite in cordibus vestris,
quod et in Corde ipsorum; et omnia vestra in humilitate
et charitate fiant. V. Convertimini ad Deum in toto corde
vestro: et sit vobis cor unum et anima una!
Alleluia. ij. V. (Ps. 56). Paratum Cor meum, Deus
Cordis mei, paratum Cor meum, ut faciam omnes voluntates
tuas corde magno et animo volenti. Alleluia.
Cum dicitur Sequentia, quae omittitur in Missis votivis,
ultimum Alleluia non dicitur, nisi post Sequentiam..
SEQUENTIA 1:
LAETABUNDA,
Canant pie
Cuncta corda
Cor Mariae.
Cor amandum
Omni corde,
Cor laudandum
Omni mente.
Cor aeterni Numinis
En factum est Virginis
Cor aeternum.
Haec est Virgo sapiens,
Haec est Virgo rapiens
Cor divinum.
Consors Patris dexterae,
Fit Matris Deiparae
Cor et Natus.
Flos Cordis Altissimi,
Flos Cordis virginei,
Flos et fructus.
Cordis nostri gaudium,
Exilî solatium,
Cor Mariae.
___________________
1. Cette prose se trouve pour la première fois dans le livre de la Dévotion au S. Coeur et au Saint Nom de Marie. Édit. de 1663.
Amoris oraculum 1,
Vexillum, signaculum,
Liber vitae.
Charitatis speculum,
Thesaurus charismatum,
Thronus Christi.
Rubus ignem proferens,
Incombustus permanens,
Fornax coeli.
O fornax mirifica!
In te manent socia
Ros et flamma.
Ros mire vivificans,
Flamma beatificans
Corda pura.
Infundatur omnibus
Ros ille pectoribus,
Accendatur cordibus
Flamma sacra.
O Jesu, Cor Mariae,
Ros, ignis, fons gratiae,
Ure, purga, posside
Corda cuncta.
O amor, propera,
Ubique impera,
In terris ut super sidera!
___________________
1. Dans les éditions modernes, cette strophe et la suivante se lisent comme il suit:
Amoris miraculum,
Charitatis speculum
Liber vitae.
Fons vivus charismatum,
Thesaurus fidelium,
Thronus Christi.
C'est le texte qui se trouvait dans les éditions, à l'usage de N.-D. de Charité, et qui a été
approuvé à Rome en 1861.
Nova praecordia,
Nova fac omnia,
Ut Jesum laudent cum Maria.
Amen. Alleluia.
Post Septuagesimam, omissis Alleluia, versu et
Sequentia, dicitur:
Tractus. (Thren. 1.) Vide, Domine, quoniam tribulor,
conturbatus est venter meus, subversum est Cor meum in
memetipsa, quoniam amaritudine plena sum. V. Factum
est Cor Virginis speculum clarissimum passionis Christi,
et imago perfecta mortis ejus, quia stigmata illius in
Corde suo portavit. V. Mortificationem Jesu semper in
Corde et corpore suo portavit, ut vita Jesu manifestaretur
in illa.
Tempore Paschali omittitur Graduale, et ejus loco
dicitur:
Alleluia, alleluia. V. Ego diligentes me diligo, et
omnes recti corde diligunt me, et qui me oderunt, diligunt
mortem. Alleluia. V. Gratia cum omnibus qui diligunt te, o
Mater pulchrae dilectionis, quia Dominum Jesum amasti
ex toto Corde tuo. Alleluia.
† Sequentia sancti Evangelii secundum Lucam. 2.
In illo tempore: Pastores loquebantur ad invicem:
Transeamus usque Bethleem, et videamus hoc verbum,
quod factum est, quod fecit Dominus et ostendit
nobis. Et venerunt festinantes: et invenerunt Mariam,
et Joseph, et Infantem positum in praesepio. Videntes
autem cognoverunt de verbo, quod dictum erat illis de
puero hoc. Et omnes qui audierunt, mirati sunt: et de
his, quae dicta erant a Pastoribus ad ipsos. Maria autem
conservabat omnia verba haec, conferens in Corde suo.
Credo.
Offertorium. (Coloss. 1.)
Gaudete mecum omnes, qui diligitis me, quia Cor
meum elegit Altissimus, ut poneret in eo thronum suum,
et regnum Filii dilectionis sua. Alleluia.
Hoc Alleluia non additur post Septuagesimam.
SECRETA .
Tua, Domine, propitiatione, et Cordis sanctissimi beatae
Mariae semper Virginis intercessione, auferatur a
cordibus nostris concupiscentia carnis et oculorum, atque
ambitio saeculi: tibique, cum haec oblatione, in igne tui
amoris, atque in flamma aeterna charitatis jugiter
immolentur. Per Dominum.
Praefatio de B. M. Et te in solemnitate sanctissimi
Cordis Beatae Mariae.
In Missis votivis dictur: Et te in veneratione
sanctissimi Cordis Beatae Mariae.
Communio. Beatum Cor tuum, o Maria Virgo, thesaurus
sanctitatis, fornax divini amoris, thronus omnium virtutum, sanctuarium Divinitatis!
Dei Genitrix, intercede pro
nobis. (Ante Septuag. Alleluia).
POSTCOMMUNIO.
DOMINE Jesu Christe, qui miranda sanctissimae vitae,
passionis et resurrectionis tuae mysteriae, in
sacratissimo Corde Matris tuae admirabilis conservari et
glorificari voluisti: praesta quaesumus, ut meritis et
intercessione ejusdem Cordis amantissimi, sicut te Panem
vivum, ac Regem nostrum, ex altari tuo suscepimus; ita
in corde et corpore nostro viventem et regnantem portare
et glorificare, nosque in te, et propter te solum vivere
valeamus. Qui vivis et regnas cum Deo Patre in unitate
Spiritus sancti Deus. Per omnia saecula saeculorum.
Infra Octavam Solemnitatis Sanctissimi Cordis, quando
non fit commemoratio festi simplicis, dicitur 2a Oratio de
Spiritu Sancto, 3a Ecclesiae vel pro Papa.
Magnificat anima mea Dominum
