LITANIAE BEATAE MARIAE VIRGINIS.
Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.
Pater de coelis Deus, Mariae conditor gloriosus, miserere nobis.
Fili Redemptor mundi Deus, Mariae nobilis foecundator, miserere nobis.
Spiritus sancte Deus, Mariae mirabilis obumbrator, miserere nobis.
Sancta Trinitas unus Deus, qui Mariam glorificas, miserere nobis.
Sancta Maria, quae totum mundum illuminas, ora pro nobis.
Sancta Maria, quae tuos servos exaltas,
Sancta Maria, quae pro peccatoribus supplicas,
Sancta Maria, illuminatrix cordium,
Sancta Maria, fons misericordiae,
Sancta Maria, splendor Sanctae Ecclesiae,
Sancta Maria, flumen sapientiae,
Sancta Maria, ab Angelo salutata,
Sancta Maria, per Spiritum sanctum obumbrata,
Sancta Maria, in coelis glorificata,
Sancta Maria, rosa veris speciosa,
Sancta Maria, vitis frondens generosa,
Sancta Maria, dulcis virgo et speciosa
Sancta Maria, a Deo Patre sponsa electa,
Sancta Maria, Verbi Dei mater praeelecta,
Sancta Maria, a Spiritu sancto protecta,
Sancta Maria, quae Deum in utero concepisti,
Sancta Maria, quae Deum et hominem genuisti,
Sancta Maria, Virgo virginum signifera,
Sancta Maria, virga Jesse Christifera,
Sancta Maria, arbor vitae fructifera,
Sancta Maria, foeminarum pulcherrima,
Sancta Maria, humilium humillima,
Sancta Maria, sanctarum sanctissima,
Sancta Maria, super omnes diligentius amanda,
Sancta Maria, super omnes excellentius magnificanda,
Sancta Maria, Mater Conditoris,
Sancta Maria, Mater Redemptoris,
Sancta Maria, Mater mundo desiderabilis,
Sancta Maria, inferis terribilis,
Sancta Maria, Mater amabilis,
Sancta Maria, Virgo plena gratia,
Sancta Maria, Virgo plena clementia,
Sancta Maria, pia fundens solatia,
Sancta Maria, flos et decus virginitatis,
Sancta Maria, fluvius sapientialis,
Sancta Maria, splendor et lux orientalis,
Sancta Maria, virtutum coeli Regina,
Sancta Maria, domus Dei cypressina,
Sancta Maria, coeli fenestra crystallina,
Sancta Maria, perpetuae lucis aurora,
Sancta Maria, Virgo pulchra et decora,
Sancta Maria, melodia dulcis et sonora,
Sancta Maria, deliciarum Dei dapifera,
Sancta Maria, coelestis curiae pincerna,
Sancta Maria, paradisi porta pervia,
Sancta Maria, placitum Dei umbraculum
Sancta Maria, virginum nova exultatio,
Sancta Maria, mulierum prima benedictio,
Sancta Maria, miserorum pia consolatio,
Sancta Maria, vera salus et beatitudo,
Sancta Maria, charitatis magnitudo,
Sancta Maria, pietatis latitudo,
Sancta Maria, mater orphanorum,
Sancta Maria, mamilla orphanorum,
Sancta Maria, mamilla parvulorum,
Sancta Maria, consolatio afflictorum,
Sancta Maria, cui Angeli obediunt et obsecrantur,
Sancta Maria, nobilis Regina coelorum,
Sancta Maria, cui Sancti et Sanctae congaudent et congratulantur,
Sancta Maria, quam omnia laudant et venerantur, ora pro nobis.
Propitia esto, parce nobis, Domina.
Propitia esto, exaudi nos, Domina.
Ab omni malo, libera nos, Domina.
Ab omni mala tentatione,
Ab ira et indignatione Dei,
A periclitatione et desperatione,
A superbia praecipitante,
A peccato irae et invidiae cruciante,
A carnis tentatione undique anxiante,
A peccato gulae et gastrimargiae commaculantae,
Ab incursu hostis malignantis,
Per dulcorem et gaudium de Christi incarnatione,
Per dolorem et angustiam de illius passione,
Per gaudium et miraculum de illius resurrectione,
Per gaudium et laetitiam de illius ascensione,
Per fidem tuam de Spiritus sancti missione,
Per gaudium et laetitiam de tua coronatione,
In hora mortis devastante,
In Judicis districto examine,
Ab inferi horribili cruciamine, libera nos, Domina.
Peccatores, te rogamus, audi nos.
Ut sanctam Ecclesiam, piissima Domina, conservare digneris,
Ut justis gloriam, peccatoribus gratiam impetrare digneris,
Ut tribulatis consolationem, captivis liberationem impetrare
digneris,
Ut famulos et famulas tibi devote servientes consolari digneris,
Ut populum christianum Filii tui
pretioso sanguine redemptum conservare digneris,
Ut cunctis fidelibus defunctis
requiem aeternam donare digneris,
Mater Dei, te rogamus, audi nos.
Mater charissima et Domina nostra, miserere nobis, et dona nobis
perpetuam pacem.
Amen.
Kyrie, eleison.
Christe, eleison.
Kyrie, eleison.
Pater noster. Et ne nos inducas in tentationem.
V/. Ego dixi, Domina, miserere mei.
R/. Sana animam meam, quia peccavi tibi.
V/. Converte misericordiam tuam super nos.
R/. Et deprecabilis esto super servos tuos.
V/. Ostende potentiam tuam contra inimicos nostros.
R/. Ut Justificeris in nationibus
populorum.
V/. Miserere servorum tuorum, super quos invocatum est nomen tuum.
R/. Et ne sinas angustiari eos in tentationibus suis.
V/. Ne projicias nos in tempore mortis nostrae.
R/. Et succurre animae, cum
deseruerit corpus suum.
V/. Esto nobis, Domina, turris fortitudinis.
R/. Et petra durissima contra inimicum.
V/. Adjuva me, Domina, ne corruam coram eo.
R/. Fac ut conteratur sub pedibus
meis.
V/. Exaudi orationem meam, et
deprecationem meam.
R/. Et obstupescant adversarii mei.
Oremus.
Omnipotens sempiterne Deus, qui pro nobis de
castissima Virgine Maria nasci dignatus es, fac nos tibi casto corpore servire,
et humili mente placere.
Oramus etiam te, piissima Virgo Maria, mundi Regina et angelorum Domina,
ut eis quos in purgatoriis ignis examinat, impetres refrigerium, peccatoribus
indulgentiam, et justis perseverantiam in bono : nos quoque fragiles ab omnibus
instantibus defende periculis. Per Dominum nostrum Jesum Christum. Amen.
(TOM.
XIV. S. Bonav. – Ex edit. Vatican. 1596.)
AVE MARIA PURISSIMA!
