Die 15 Augusti: IN ASSUMPTIONE

Preghiera

<< O Santissima Madre di Dio, che abbellisci la terra e il cielo, Tu, lasciando la terra non hai abbandonato gli uomini e, se quando eri quaggiù vivevi in cielo, ora che sei in cielo dimori con noi. Veramente felici quelli che Ti contemplarono e vissero con la Madre della Vita! Ma, come Tu abitavi in carne con gli uomini dei primi tempi, ora abiti spiritualmente con noi. Noi ascoltiamo la Tua voce, la voce di noi tutti giunge alle Tue orecchie e la protezione continua con cui ci segui è prova della Tua presenza. Tu ci visiti, il Tuo occhio è su ciascuno di noi e, se anche non possiamo vederTi, Tu sei in mezzo a noi e Ti mostri in modi diversi a chi è degno di vederTi. La Tua carne... non arresta la immateriale potenza, l'attività purissima dell'anima Tua, che, inseparabilmente unita allo Spirito Santo, si fa sentire dove vuole (Gv 3,8). Ricevi, o Madre di Dio, l'omaggio riconoscente della nostra allegrezza e parla dei Tuoi figli a Colui, che Ti ha glorificata e, con la Sua potenza divina, Egli accoglierà qualsiasi Tua domanda. Sia Egli -in Te con Te e per Te- Benedetto nei secoli >>
(san Germano di Costantinopoli: Sulla Dormitio 1).

         BEATAE MARIAE VIRGINIS
Duplex I classis cum Octava communi        

Introitus Ap. 12, 1

SIGNUM magnum appáruit in caelo: múlier amícta sole, et luna sub pédibus ejus, et in cápite ejus coróna stellárum duódecim. Ps. 97, 1 Cantáte Dómino cánticum novum: quia mirabília fecit. V/. Glória Patri.

Oratio

OMNÍPOTENS sempitérne Deus, qui Immaculátam Vírginem Maríam, Fílii tui Genitrícem, córpore et ánima ad caeléstem glóriam assumpsísti ; concéde, quaésumus ; ut ad supérna semper inténti, ipsíus glóriae mereámur esse consórtes. Per eúmdem Dóminum.

Léctio libri Judith.

Judith 13, 22-25 ; 15, 10

BENEDÍXIT te Dóminus in virtúte sua, quia per te ad níhilum redégit inimícos nostros. Benedícta es tu, fília, a Dómino Deo excélso, prae ómnibus muliéribus super terram. Benedíctus Dóminus, qui creávit caelum et terram, qui te diréxit in vúlnera cápitis príncipis inimicórum nostrórum ; quia hódie nomen tuum ita magnificávit, ut non recédat laus tua de ore hóminum, qui mémores fúerint virtútis Dómini in aetérnum, pro quibus non pepercísti ánimae tuae propter angústias et tribulatiónem géneris tui, sed subvenísti ruínae ante conspéctum Dei nostri. Tu glória Jerúsalem, tu laetítia Israël, tu honorificéntia pópuli nostri.

Graduale Ps. 44, 11-12 et 14 Audi, fília, et vide, et inclína aurem tuam: quia concupívit rex spéciem tuam. V/. Omnis glória ejus fíliae Regis ab intus, in fímbriis áureis, circumamícta varietátibus.

Allelúja, allelúja. V/. Assúmpta est María in caelum: gaudet exércitus Angelórum. Allelúja.

+ Sequéntia sancti Evangélii secúndum Lucam.

Luc. 1, 41-50

IN illo témpore: Repléta est Spíritu Sancto Elísabeth et exclamávit voce magna, et dixit: Benedícta tu inter mulíeres, et benedíctus fructus ventris tui. Et unde hoc mihi, ut véniat Mater Dómini mei ad me ? Ecce enim, ut facta est vox salutatiónis tuae in áuribus meis, exsultávit in gáudio infans in útero meo. Et beáta, quae credidísti, quóniam perficiéntur ea, quae dicta sunt tibi a Dómino. Et ait María: Magníficat ánima mea Dóminum: et exsultávit spíritus meus in Deo salutári meo ; quia respéxit humilitátem ancíllae suae, ecce enim ex hoc beátam me dicent omnes generatiónes. Quia fecit mihi magna qui potens est, et sanctum nomen ejus, et misericórdia ejus a progénie in progénies timéntibus eum.

Credo.


Offertorium Gen. 3, 15 Inimicítias ponam inter te et Mulíerem, et semen tuum et Semen illíus.




Secreta

ASCÉNDAT ad te, Dómine, nostrae devotiónis oblátio, et, beatíssima Vírgine María in caelum assúmpta intercedénte, corda nostra, caritátis igne succénsa, ad te júgiter aspírent. Per Dóminum.

Praefatio de beata Maria Virgine Et te in Assumptióne: quae dicitur per totam Octavam in omnibus Missis quae aliam Praefationem non exigant, juxta Rubricas.


Communio Luc. 1, 48-49 Beátam me dicent omnes generatiónes, quia fecit mihi magna qui potens est.




Postcommunio

SUMPTIS, Dómine, salutáribus sacraméntis, da, quaésumus ; ut, méritis et intercessióne beátae Vírginis Maríae in caelum assúmptae, ad resurrectiónis glóriam perducámur. Per Dóminum.

AMDG et BVM